早前風靡上海飲食界嘅「桂滿隴」終於係深圳開業，聽聞至少要排3個鐘先有得食！但小編為咗試下佢係咪傳說中咁誇張、咁好食，將西湖搬入嚟深圳，一於幾耐都要等！各位姊妹們可以搭深圳地鐵站，坐到「購物公園」站 D 出口，一出直行少少已經係深圳平安中心。

「桂滿隴」主打古法江浙菜，融入了江南文化和杭州文化。作為深圳旗艦店，桂滿隴就呈現杭州美食文化中最具詩意嘅代表——「西湖船宴」。店裡面真係有船架！有2艘畫舫，3艘烏篷船，仲有嚟自烏鎮嘅石頭，好似將古杭州碼頭還原咁。

啲船除咗觀賞之外，其實亦係餐枱，可以坐係船上食飯～不過呢啲位置超搶手，想坐就記得提前電話訂位啦！係庭院食飯，仲可以見到湖對岸嘅廚房係到煮嘢食，聽着船上踲琴師撫琴，真係好Chill架！

今次小編就叫左幾款菜式，包括公主素蟹粉、叫花童子雞同草扎肉。

首先係「公主素蟹粉」，只係￥28 RMB，性價比超高！呢款係素食中嘅經典，配上秘製黑醋，酸酸嘅口感幾開胃架。

呢款地道杭州荐「叫花童子雞」係必點，大家記得早啲嚟食，因為係限量架！精選2斤左右童子雞，用新鮮荷葉同小河底泥土包住，烤製四小時先可以出品。而且味道濃郁，雞肉酥嫩，如果加埋醬汁就更滋味。

最後係呢款「草扎肉」，小編第一次見到仲以為係東坡肉～不過味道都好似東坡肉，好香同埋好大塊，建議4人食！肉質軟，仲要肥而不膩，好想再食多次呀～

最後就係南乳通心菜啦，帶有點點蒜香嘅通菜，爽脆可口！一般用腐乳或蝦醬炒嘅通菜都會偏咸，但呢到用南腐乳炒，比較清爽特別～

桂滿隴-西湖船宴(平安金融中心店)
地址： 深圳益田路5033號平安金融中心6樓601
交通方法：「購物公園」站 D 出口
電話： 4008777257